Një intervenim i rrallë është kryer tek një fëmijë pesëvjeçar. Njoftimi u bë nga Shërbimi Spitalor, Klinik dhe Universitar të Kosovës. Sipas ShSKUK-së, fëmija ishte diagnostikuar me veshkë jofunksionale.
“Raste të tilla sfiduese të cilat kryhen në qendra të specializuara dhe me përvojë, janë realizuar me sukses të plotë edhe në Klinikën e Kirurgjisë së Fëmijëve në QKUK, ku për mbi 4 vjet, janë realizuar intervenime laparaskopike tek fëmijët me patologji te ndryshme si: testisi intraabdominal, varikocela e testisit, divertikuli i Meckeli-it, tumoret e vezoreve, ciste e veshkës, apendektomia laparoskopike, kolecistektomia laparoskopike dhe Cista e Ekinokokut të Mëlçisë”, thuhet në njoftim.
