Policia ka bërë të ditur se një qytetar ka dorëzuar në stacionin policor një portofol me 1 mijë e 30 euro dhe dokumente personale. Qytetari raportohet se portofolin e kishte gjetur në rrugën “Adem Jashari” në Viti.
Policia nëpërmjet rrugëve operative ka arritur që të identifikojë personin qe i kishte humbur portofoli dhe të njëjtit në bazë të procedurave ligjore i është kthyer.
Sipas policisë, pronari i portofolit falënderon Policinë e Kosovës edhe palët qe i kanë kthyer Portofolin. /Kosovatimes/
