Shefi i Grupit Parlamentar të AAK-së, Besnik Tahiri, ka komentuar raportin 36 faqesh i monitorimit për punën e Kuvendit të Republikës së Kosovës nga Institutit Demokratik i Kosovës (KDI) me titull “Puna e Kuvendit për vitin 2023”.
Tahiri përmes një postimi në llogarinë e tij në Facebook, ka thënë se raporti AAK-n e nxjerr në vendin e parë.
“Ky raport, grupin parlamentar të Aleancës për Ardhmërinë e Kosovës e vendos në vendin e parë si grup parlamentar në mesataren për deputet në ngritjen e pyetjeve parlamentare në Kuvend”, ka thënë Tahiri.
Sipas tij, në kapitullin ku flet për mungesat e deputetëve, AAK-ja është e para nga partitë opozitare me prezencë me 16.2%. /Kosovatimes/
