Një person është arrestuar pasi që është zënë duke vjedhur thëngjill nga shiritat transportues të Korporatës Energjetike të Kosovës (KEK) në Obiliq. Policia ka bërë të ditur se i dyshuari është zënë duke ngarkuar thëngjillin në një kamionetë.
“Është arrestuar i dyshuari kosovar për shkak se është kapur duke e mbushur kamionetën e tij me thëngjill nga shiritat transportues të KEK-ut. Automjeti dhe thëngjilli janë sekuestruar, ndërsa i dyshuari pas intervistimit me vendim të prokurorit është dërguar në mbajtje”, thuhet në raportin e Policisë.
