Në një mesazh përmes rrjetit X, Ali Jerlikaya tha se 189 të dyshuar janë arrestuar në 37 qytete, 27 prej tyre në Ankara dhe 22 në Stamboll.
Turqia ka rritur operacionet në muajt e fundit kundër anëtarëve të Shtetit Islamik, i cili ka marrë përgjegjësinë për një numër sulmesh vdekjeprurëse në Turqi, duke përfshirë një sulm në një klub nate në Stamboll më 1 janar 2017, ku u vranë 39 persona.
Autoritetet turke kanë njoftuar tashmë dje se kanë arrestuar 32 anëtarë të dyshuar të Shtetit Islamik, tre prej të cilëve janë anëtarë të rëndësishëm të grupit dhe të cilët dyshohen për planifikimin e sulmeve në kisha dhe sinagoga, si dhe në ambasadën irakiane.
Policia njoftoi javën e kaluar se kishte kryer një operacion të madh në 32 qytete të vendit dhe arrestoi më shumë se 300 persona të dyshuar për lidhje me Shtetin Islamik.
