Një tërmet i fortë, me magnitudë 5.4 gradë të shkallës Rihter, ka goditur zonën e Zenicës sonte rreth orës 21:40 dhe është ndjerë në Sarajevë, Tuzla dhe në mbarë Bosnjën dhe Hercegovinën, njofton Qendra Sizmologjike Mesdhetare EMSC.
Sipas informacioneve të para, epiqendra ka qenë 12 kilometra afër Zenicës.
Për momentin nuk ka informacione për dëme të mundshme materiale apo persona të lënduar.
Banorët e Sarajevës ndajnë përvojat e tyre në rrjetet sociale:
“Xhamat kërcasin, perdet u tundën mirë”.
“Ndihej shumë mirë, ishim të frikësuar”.
“Tundi shpejt dhe fort”.
