Pjesëtarët e KFOR-it italian kanë publikuar pamje të trajnimit që kanë kryer në liqenin e Ujmanit në veri të Kosovës.
Sipas njoftimit të KFOR-it, Lagunari italian, pjesë e Batalionit Rezervë Operativ të dislokuar në Veri të Kosovës, si pjesë e misionit të KFOR-it të udhëhequr nga NATO, ka kryer me sukses një trajnim specifik.
“KFOR-i është plotësisht i fokusuar në zbatimin e përditshëm të mandatit të tij, bazuar në Rezolutën 1244 të Këshillit të Sigurimit të OKB-së të vitit 1999, për të ofruar mjedis të sigurt për të gjitha komunitetet që jetojnë në Kosovë”, thuhet në njoftimin e KFOR-it të publikuar në rrjetin social Facebook. /Kosovatimes/
