By using this site, you agree to the Privacy Policy and Terms of Use.
Accept
Kosova TimesKosova Times
Notification Show More
Latest News
Krasniqi: 14 milionë turistë pritet që të vizitojnë Shqipërisë
May 15, 2025
Përfundon takimi i presidentes me liderët, s`ka marrëveshje
May 15, 2025
Starmer: Bashkëpunim për prodhimin dhe shitjen e automjeteve ushtarake
May 15, 2025
Studentët serbe do të vizitojnë Kosovën
May 15, 2025
Makina përfundon në kanal, humb jetën punonjësi i policisë
May 15, 2025
Aa
  • Ballina
  • Politikë
    • Lajme
    • Tema
    • Gjeopolitikë
    • Opinion
  • Rajon / Botë
  • Ekonomi
    • Lajme
    • Tema
    • Financa
    • Turizëm
    • Bujqësi
  • Kulturë
    • Lajme
    • ShowBiz
    • Moda
  • Shëndetësi
  • Sport
  • Hi-tech
    • Teknologji
    • Shkencë
Reading: Me sy nga Kosova: Jeta në fshatin Borje të Shqipërisë
Share
Aa
Kosova TimesKosova Times
Search
  • Home
    • Home News
    • Home 2
    • Home 3
    • Home 4
    • Home 5
  • Categories
  • Bookmarks
    • Customize Interests
    • My Bookmarks
  • More Foxiz
    • Blog Index
    • Sitemap
Have an existing account? Sign In
Follow US
Kosova Times > Blog > Politikë > Tema > Me sy nga Kosova: Jeta në fshatin Borje të Shqipërisë
Tema

Me sy nga Kosova: Jeta në fshatin Borje të Shqipërisë

Kosova Times
Last updated: 2024/01/03 at 3:01 PM
Kosova Times Published January 3, 2024
Share
SHARE

Uji që rrjedh në kanalin në anë të rrugës prish qetësinë e mëngjesit në fshatin Borje, në veri të Shqipërisë.

Një kafene e vogël në qendër të tij ishte pothuajse e zbrazët në një paradite të fund-dhjetorit.

Ka dhjetë vjet që Biljana Jonuzi e ka hapur atë bashkë me bashkëshortin.

“Pak kemi punë se nuk ka njerëz”, thotë Biljana teksa rregullon shaminë me ngjyra, e cila karakterizon shumicën e grave në zonë.

Biljana Jonuzi, banore e fshatit Borje në Shqipëri, ulur në kafenenë e saj.
Biljana Jonuzi, banore e fshatit Borje në Shqipëri, ulur në kafenenë e saj.

E lindur dhe e rritur në Borje, 61-vjeçarja kujton se shumë bashkëfshatarë të saj, e sidomos të rinj, kanë migruar nga fshati.

“Ikin të gjithë në Gjermani, në Angli, në Itali… Kemi mbetur vetëm pleq”, thotë Biljana për Radion Evropa e Lirë.

Mungesa e vendeve të punës, por edhe pozita e izoluar e fshatit janë, sipas saj, arsyet kryesore të migrimit të banorëve me etni kryesisht gorane.

Sipas Bashkësisë së Kukësit nga ky fshat kanë migruar rreth 300 banorë.

Në gjithë Shqipërinë, vetëm gjatë këtij viti kanë migruar afër 14 mijë qytetarë në formë legale, tregojnë të dhënat zyrtare.

Fshati malor i Borjes me rreth 900 banorë gjendet rreth 2 kilometra larg kufirit me Kosovën, ndërsa qytetin më të afërt të Shqipërisë, Kukësin, e ka rreth 30 kilometra larg.

Një banore e fshatit Borje duke dalë nga ahuri i bagëtive.
Një banore e fshatit Borje duke dalë nga ahuri i bagëtive.

“Rruga për në Kukës është skandal”, tregon Biljana, duke përshkruar rrugën e pashtruar që, sipas saj, do rreth një orë kohë për ta përshkuar me veturë.

Kështu, banorët e këtij fshati varen kryesisht nga Kosova, si për pazare, ashtu edhe për shërbime të tjera.

Destinacion më i shpeshtë i borjanëve është Dragashi – qytet në jug të Kosovës.

Disa nga ta përdorin vetura private, të tjerë përdorin minibusë të bashkëfshatarëve që nisen çdo ditë nga Borja rreth orës 6 të mëngjesit.

Texhbid Behluli, pronar i një shitoreje në fshatin Borje të Shqipërisë.
Texhbid Behluli, pronar i një shitoreje në fshatin Borje të Shqipërisë.

Pika kufitare mes Kosovës e Shqipërisë në këtë fshat u hap në vitin 2009.

Ajo shërben vetëm për kalimin e banorëve lokalë në të dyja anët e kufirit – në një distancë prej 15 kilometrash nga pika kufitare.

Aty nuk është paraparë të qarkullojnë mallra në vlerë të madhe.

Sadet Aliaj, banor i Borjes në Shqipëri.
Sadet Aliaj, banor i Borjes në Shqipëri.

Kjo i shkakton probleme Texhbid Behlulit, pronar i një shitoreje në fshat që shet shumë lloje të mallrave – nga turshitë deri te veglat për punë.

“[Djali], tani është në Kukës, ka shkuar, do të furnizohet me mall… [Ndonjëherë furnizohet] edhe pak këtej nga Kosova. Nganjëherë i bëjnë [probleme], pse të furnizohesh e andej-këtej”, thotë Texhbidi për Radion Evropa e Lirë.

Ky 85-vjeçar thotë se e siguron disi jetesën me këtë biznes, por se puna po i pakësohet gjithnjë e më shumë.

Megjithatë, banorët e qendrës që kanë biznese, thonë se janë me fat që nuk varen vetëm nga bujqësia, me të cilën merret një pjesë e banorëve të fshatit, më larg nga qendra.

Banor i fshatit Borje duke bartur patate me kalin e tij.
Banor i fshatit Borje duke bartur patate me kalin e tij.

Përpjetë në fshat pakësohen rrugët me gurë dhe shtohen shtëpitë e ndërtuara me këtë material.

Një të tillë e ka edhe Sadet Aliaj, i cili po e nxirrte jashtë oborrit kalin e tij ngjyrë kafeje.

“Me [kalin] lëroj, punoj, bart dru, pleh… Të gjitha i bën ky”, thotë Sadeti.

Bagëti, e sidomos kuaj e mushka, mund të shihen gjithkund nëpër rrugët e Borjes.

Veç tjerash, ato bartin edhe të mbjellat e fshatarëve, që kryesisht janë patatet.

Por, gjatë verës, kultivojnë edhe lule e bimë aromatike, të cilat më pas i shesin në Kosovë.

Pamje nga lart e fshatit Borje në Shqipëri.
Pamje nga lart e fshatit Borje në Shqipëri.

Nga patatja që e mbjell çdo vit, Shate Palinci thotë se sivjet nuk pati shumë fitim.

“Pak kemi sivjet, i ka ngrënë derri i egër”, ankohet ajo, duke i përgatitur disa nga patatet e vogla për t’ua dhënë bagëtive.

Kjo 40-vjeçare ka tre fëmijë, përfshirë një vajzë 15 vjeçe të martuar.

Burri dhe djali i saj i madh, 20-vjeçar, shkojnë shpesh në Kosovë për t’i shitur produktet e tyre bujqësore, por edhe për të bërë ndonjë punë tjetër të përkohshme.

Shatja ka frikë për ndonjë mbyllje eventuale të kufirit me Kosovën, sikur kishte ndodhur për disa muaj gjatë pandemisë COVID-19.

“Gjatë koronës [pandemisë], kemi qenë të gjithë të mbyllur. As në Kukës, as kurrkund. Vetëm në shtëpi… çfarë kemi pasur, kemi ngrënë. Nuk ka më vështirë”, kujton Shatja.

Një burrë dhe grua në moshë teksa ecin rrugëve të fshatit Borje.
Një burrë dhe grua në moshë teksa ecin rrugëve të fshatit Borje.

Tjetër hall për të është mungesa e një spitali të afërt në Shqipëri.

“[Në Borje] sëmuresh e nuk vjen askush të të bëjë gjilpërë [injeksion], as të të shikojë”, thotë Shatja.

Edhe për shërbime shëndetësore, ajo thotë se banorët e fshatit shkojnë kryesisht në Kosovë.

“Për dhëmbë e për të gjitha… nëse kemi diçka, shkojmë në Kosovë”, thotë ajo.

Nga Qendra e Mjekësisë Familjare në Dragash thonë për Radion Evropa e Lirë se, çdo ditë, presin dhjetëra pacientë nga Borja dhe zona të tjera kufitare të Shqipërisë.

Fëmijë të fshatit Borje duke rrëshqitur afër shkollës në fshatin Borje.
Fëmijë të fshatit Borje duke rrëshqitur afër shkollës në fshatin Borje.

Kur mbetet e vetme në shtëpi, Shatja llogarit edhe në ndihmën e djalit të saj 9-vjeçar për punët me bagëtitë.

Por, me rënien e borës, ajo thotë se djali ka dëshirë edhe të rrëshqasë me shokët, pasi kryen orarin e mësimit në shkollën që gjendet më afër qendrës së fshatit.

Nga kodra lart ku banon, ajo e pret dhe e përcjell me sy djalin teksa ngjitet rrugëve që kanë nisur të bëhen vështirë të kalueshme nga bora dhe balta.

Banore e fshatit Borje.
Banore e fshatit Borje.

Borja, aktualisht, ka vetëm shkollën fillore 9-vjeçare, ndërsa për të kryer shkollën e mesme, nxënësit duhet të shkojnë në fshatin Shishtavec, rreth 11 kilometra larg.

Shkolla “Xhafer Ollomani” në Borje, sipas të dhënave publike ka rreth 100 nxënës.

Banorët thonë se janë ankuar disa herë te Komuna e Kukësit për mungesë të infrastrukturës, por deri më tani pa rezultat.

“Për vota [vijnë], por rruga zero”, thotë Biljana. “Po të mos ishte Kosova, Borja do të kishte ngordhur”, thotë ajo.

Bashkia e Kukësit në Shqipëri ka thënë se arsyeja pse nuk është e asfaltuar rruga Borje-Kukës është për shkak të mungesës së fondeve.

“Rruga nuk është shtruar për shkak të mungesës së fondeve ku pjesa më e madhe e fshatrave të Kukësit janë rrugë rurale”, thuhet në përgjigjen dhënë Radios Evropa e Lirë.

You Might Also Like

Pse regjimit të Putinit i duhej të ringjallte psikiatrinë ndëshkuese?

Shënohet 10 vjetori i themelimit të Rrjetit Global të Bizneseve Shqiptare

Parti e “Çajit Rus” para dhe gjatë luftës

Cilat janë rreziqet e luftës ne Ukrainë dhe Izrael?

“Do ta marr pasaportën e Kosovës sa më shpejt të jetë e mundur”

Kosova Times January 3, 2024
Share this Article
Facebook Twitter Email Print
Leave a comment

Leave a Reply

Your email address will not be published. Required fields are marked *

Follow US

Find US on Social Medias
Facebook Like
Twitter Follow
Youtube Subscribe
Telegram Follow

Weekly Newsletter

Subscribe to our newsletter to get our newest articles instantly!

[mc4wp_form]
Popular News
Lajme

Një person dhunoi të dashurën

Kosova Times Kosova Times June 23, 2024
Një parti pro-ruse fitoi zgjedhjet në ish-republikën sovjetike
Kuvendi i Kosovës mban seancë plenare
Osmani: Kosova dhe Sllovenia kanë qenë krah njëra-tjetrës
Anulohen mijëra fluturime për shkak të grevës të kontrollorëve ajrorë në Francë
- Advertisement -
Ad imageAd image
Global Coronavirus Cases

Confirmed

0

Death

0

More Information:Covid-19 Statistics

Kategoritë

  • Politikë
  • Rajon / Botë
  • Ekonomi
  • Kulturë
  • Shëndetësi
  • Sport
  • Hi - tech

About US

Kosova Times We influence 20 million users and is the number one business and technology news network on the planet.

Subscribe US

Subscribe to our newsletter to get our newest articles instantly!

[mc4wp_form]

© Kosova Times. All Rights Reserved.

Removed from reading list

Undo
Welcome Back!

Sign in to your account

Lost your password?