Agjencia e Statistikave të Kosovës ka publikuar Statistikat e Hotelerisë për muajin nëntor të vitit të kaluar, meqë rast ka bërë publike rritjen e frekuentimit të këtyre hapësirave prej 34,8%.
“Në Nëntor 2023, numri i vizitorëve (vendorë dhe të huaj) në Hotele ishte 46 726, prej tyre 48,6%, ishin vendorë dhe 51,3% ishin të jashtëm. Krahasuar me muajin Nëntor të vitit 2022 (sa ishin 34 659 vizitorë) kishte rritje të numrit të përgjithshëm të vizitorëve në Hotele për 34,8%”, thuhet sipas statistikave.
Sipas ASK-së, numri i netëqëndrimeve ishte gjithsej 111, 664, prej tyre 58,3% nga vendorët dhe 41,6% nga të huajt.
Ndërkaq në bazë të vendeve, vizitorët më të shpeshtë kanë qenë nga regjioni i Pejës me 6,581 vizitorë.
“Sa u përket vizitorëve të huaj krahasuar me periudhën paraprake (Nëntor 2022) ka rritje te vizitoreve për 4,3%. Në total 23 982 vizitorë të huaj, nga të cilët numri më i madh është nga Shqipëri, Zvicra, Gjermania, Turqia etj”, njofton ASK.
