Policia rajonale e Ferizajt gjatë muajit dhjetor të vitit të kaluar ka shqiptuar 5906 gjoba për kundërvajtje, ndërsa ka hequr edhe 50 patentë shoferë për drejtuesit që kanë shkaktuar kundërvajtje më të rënda në komunikacion.
Nga to 1653 kanë qenë tejkalim shpejtësie, 592 për mos përdorim të rripit të sigurisë dhe 405 për përdorim të telefonit.
Ndërkaq ka pasur edhe raste të ngasjes së veturës pa patent shofer me ç’rast është shqiptuar gjobë në 204 raste. Në anën tjetër, 11 gjoba janë shqiptuar për ngasje nën ndikimin e alkoolit.
“Policia Rajonale e Ferizajt do të vazhdojë me aktivitete të shtuara, me synim parandalimin e aksidenteve në komunikacionin rrugor dhe apelon tek shoferët që të bëjnë kujdes”, thuhet në njoftim.
