Mbrëmjen e sotme mediat e huaja po shkruajnë për tragjedinë e ndodhur në fund të vitit të kaluar në bregdetin brazilian dhe atë në anijen turistike në të cilën ishte organizuar festa nga futbollisti i njohur Neymar. Neymar ka qëndruar në vendlindje gjatë festave të Vitit të Ri, ndërsa rikuperohet nga lëndimi që ka pësuar tre muaj më parë, por kjo qartazi nuk e pengon atë të argëtohet shumë.
Në një anije lundrimi pranë Sao Paulos, ai organizoi një festë dhe pas përfundimit të saj, ndodhi një tragjedi sepse YouTuberi brazilian Carlos Alberto Mota Candreva u hodh në det.
Ai e bëri këtë pas një debati me të dashurën e tij dhe u hodh në det nga kati i 18-të i një anije luksoze turistike dhe është ende i humbur. Shpresa se ai është gjallë tashmë po shuhet sepse gjithçka ndodhi më 30 dhjetor, padyshim që tragjedia ishte fshehur sa më shumë, por tashmë gjithçka ka “rrjedhur” në publik.
Për shkak të gjithçkaje, performanca e këngëtarit brazilian Alexandre Pires, e cila duhej të bëhej pas festës së Neymar, u anulua dhe e dashura e YouTuber-it në fjalë pësoi një traumë.
Ajo tha se kishte rreth dy vjet në një lidhje “rastësore” me Carlos, por ai donte ta zyrtarizonte.
“Ai mendoi se nuk mund të më shihte me dikë tjetër, nuk e duroi dot”, tha Vitoria Barbara Momenso, e cila pranoi se sherri i tyre i parapriu gjithçkaje.
“Ai tha se e bëra klloun dhe budalla dhe më pas u hodh në det. Unë u trondita vërtet dhe u ngriva”, shtoi vajza.
