Ka një kohë të saktë kur duhet të hamë për të shmangur një atak në zemër

Sipas një studimi të ri, njerëzit mund të zvogëlojnë rrezikun e sulmit në zemër duke ndryshuar zakonet e tyre, duke përfshirë kohën që hanë.

Shkencëtarët thonë se stili modern i jetesës ka çuar në zakone specifike të këqija të të ngrënit, të tilla si ngrënia vonë ose anashkalimi i mëngjesit, që konsiderohet si vakti më i rëndësishëm i ditës.

Një studim francez tregoi se njerëzit që hanë në orën 9 të mëngjesit kanë gjashtë për qind më shumë mundësi për të zhvilluar sëmundje kardiovaskulare sesa ata që hanë mëngjes një orë më herët. Ngrënia e darkës pas orës 21:00 është e lidhur me një rrezik 28 për qind më të lartë të sëmundjeve cerebrovaskulare, si goditje në tru, krahasuar me të ngrënit para orës 20:00, raporton Mirror.

Ekipi hulumtues përdori të dhëna nga më shumë se 103,000 francezë me një moshë mesatare 42 vjeç për të studiuar lidhjen midis modeleve të marrjes së ushqimit dhe sëmundjeve kardiovaskulare.

“Rezultatet tregojnë se ngrënia e vaktit tuaj të parë më vonë gjatë ditës, siç është anashkalimi i mëngjesit, lidhet me një rrezik më të lartë të sëmundjeve kardiovaskulare”. Për shembull, një person që ha vaktin e parë në orën 9 të mëngjesit ka gjashtë për qind më shumë mundësi për të zhvilluar sëmundje kardiovaskulare sesa një person që ha në orën 8 të mëngjesit”, tha Dr. Bernard Srour.

Kohëzgjatja më e gjatë e agjërimit të natës, pra koha ndërmjet vaktit të fundit të ditës dhe vaktit të parë të ditës pasardhëse, shoqërohet me një rrezik të reduktuar të sëmundjeve cerebrovaskulare. Kjo mbështet idenë se është më mirë të hahet vakti i parë dhe i fundit i ditës më herët, transmeton index.hr.