Kryetari i AAK-së, Ramush Haradinaj, ka bërë homazhe në 12 vjetorin e rënies së gjeneralit Shaban Shala, prej nga ka thënë se vepra e atdhetarëve si ai është “pragu më i lartë i krenarisë kombëtare”.
“Veprimtar i hershëm i çështjes kombëtare, bashkëthemelues e drejtues i KMDLNJ-së, ai vu në ballë të organizimit të luftës çlirimtare. Pas luftës, dha kontribut të çmuar në proceset shtetndërtuese, me theks të veçantë në themelimin e zhvillimin e TMK-së dhe transformimin në FSK”, ka shkruar Haradinaj.
Tutje ai ka thënë se ka ndarë përvojën e tij me familjarët e të ndjerit.
“Kisha nderin që në kohën e luftës per liri, të bashkëveproj me vëllain e tij Bedriun, i cili ra heroikisht në ballafaqim me armikun në mbrojtje të Junikut, më 10 gusht 1998. Emri i tij u nderua nga Brigada 134 ‘Bedri Shala’ e ZO të Dukagjinit”, ka shkruar kreu i AAK-së. /Kosovatimes/
