Policia e Kosovës ka arritur të gjejë vendndodhjen e të dyshuarit për veprën penale “kanosje”, nëpërmjet bashkëpunimit me mediat dhe qytetarët.
“Me datën 05.01.2024, hetues policor nga stacioni policor në Prizren përmes rrugëve operative dhe falë bashkëpunimit me media dhe qytetarë ka arritur që të lokalizoj dhe arrestoj të dyshuarin. Ne lidhje me rastin është njoftuar Prokurori i Shtetit i cili ka udhëzuar qe i njëjti të ndalohet për 48 orë”, thuhet në njoftimin e policisë.
Një ditë më parë, Policia kishte bërë publikimin e fotografisë dhe të dhënave të të dyshuarit, për kanosjen e cila kishte ndodhur më 30 dhjetor të vitit të kaluar në rrugën “William Walker” në Prizren. /Kosovatimes/
