Në qytetin Fort Worth, në shtetin amerikan të Teksasit, ka ndodhur një shpërthim i madh, sipas mediave amerikane.
Policia dhe zjarrfikësit janë në vendngjarje, ndërsa zyrtarët e cilësojnë të gjithë situatën si një “incident të madh”.
Mbeturinat shihen në rrugët e qytetit dhe New York Times shkruan se shpërthimi ka ndodhur në hotelin Sandman Signature dhe se 11 persona kanë mbetur të plagosur, ndërsa një person konsiderohet i zhdukur.
Nga të plagosurit, një person është në gjendje kritike për jetën, dy janë të plagosur rëndë, ndërsa të tjerët janë lënduar lehtë.
Pamjet video nga vendi i ngjarjes tregojnë mbeturina të shpërndara nëpër rrugë dhe reaguesit e urgjencës në vendngjarje.
