Një person është arrestuar në Prishtinë, pasi në shtëpinë e tij i janë gjetur substanca narkotike. Rasti ka ndodhur në rrugën “Ramë Govori”, ku personit në fjalë Policia i ka konfiskuar 329 gramë substancë narkotike e llojit marihuanë, një peshore dhe një qese me fara të kanabisit.
“Është arrestuar i dyshuari kosovar pasi që gjatë kontrollit në shtëpinë e tij janë gjetur dhe konfiskuar 329 gramë substancë narkotike e llojit marihuanë, një peshore dhe një qese me fara të kanabisit. Me vendim të prokurorit i dyshuari është dërguar në mbajtje”, thuhet në raportin e policisë.
