Kryeministri irlandez, Leo Varadkar, është pritur në takim edhe nga presidentja e vendit, Vjosa Osmani.
Takimi ka ndodhur menjëherë pas konferencës së përbashkët për media të dy kryeministrave.
“Qëndrimi i qeverisë irlandeze është se masat kufizuese që i janë vënë Kosovës nga Bashkimi Evropian duhet të hiqen dhe këtë pozicion ia kam bëra me dije edhe kryeministrit Kurti”, ka thënë Varadkar gjatë konferencës.
Ai më tej ka folur edhe për zgjedhjet në katër komunat veriore, si dhe për themelimin e Asociacionit, teksa e ka bërë të qartë se është kundër një Asociacioni që do të krijonte mikro-shtet brenda Kosovës.
“Është me rëndësi që komunat t’i zgjedhin kryetarët në mënyrë demokratike dhe ata t’i përfaqësojnë njerëzit që jetojnë në ato zona. Ne duam të shohim themelimin e Asociacionit por kjo duhet të bëhet në koordinim me ato zona. Megjithatë, nuk dua të shoh krijimin e një mikro-shteti brenda Kosovës, sepse kjo nuk do të ishte diçka e dobishme për të ardhmen”, ka thënë kryeministri irlandez.
