Numër i madh i qytetarëve të Prishtinës kanë aplikuar për subvencionimin për trajtimin e sëmurjeve të rënda.
Drejtoria e Shëndetësisë bëri të ditur se më shumë se 2000 persona vitin e kaluar, kanë përfituar subvencion nga Kryeqyteti për trajtimin e sëmundjeve të rënda, kjo i bie një rritje prej 20% më shumë në krahasim me 2022-ën.
Sot punëtorët e zellshëm të Sektorit të Shërbimit me Qytetarë, janë mbingarkuar nga kërkesat e qytetarëve për subvencionimin nga Drejtoria e Shëndetësisë për sëmundjet malinje dhe kronike të rënda.
Kreu i Prishtinës, Përparim Rama, bëri të ditur se kërkesat e qytetarëve pranohen gjatë gjithë vitit dhe ato do t’i shqyrtojë komisioni profesional.
“Ne jemi të vetëdijshëm se jetesa me një sëmundje kronike sjell sfida të mëdha, jo vetëm shëndetësore, por edhe financiare. Qëllimi ynë është të sigurojmë që të mos ndiheni të vetmuar në këtë luftë dhe të ofrojmë një dorë ndihme aty ku është më e nevojshme”, ka theksuar Rama në një postim në profilin e tij në facebook. /Kosovatimes/
