Shoqata e të verbërve të Kosovës ka njoftuar për botimin e një antologjie letrare për nder të 20 vjetorit të themelimit.
“Shoqata e të verbërve të Kosovës në kuadër të promovimit të krijimtarisë së personave të verbër dhe në 20 vjetorin e regjistrimit të saj, boton një antologji të krijimtarisë letrare në poezi dhe prozë te personave të verbër në Kosovë”, ka njoftuar kjo shoqatë.
Tutje bëhet me dije se libri që do të botohet do të bëhet me përzgjedhjen e krijimeve më të mira letrare të autorëve, që tashmë kanë botuar veprat e tyre në Kosovë.
Botimi i antologjisë është paraparë në kuadër të projekti “Krijimtaria artistike e personave të verbër në Kosovë” i financuar nga MKRS. /Kosovatimes/
