Shkruan: Pal ShTUFI
Kur ra nata e ankthshme e mëngjesi doli i përgjakur, erdhi një burrë me nda dhembjen me ne. Për t’i dhënë historisë lajmin e fundit, kishte përzgjedhur të vishte një xhaketë bojë qielli dhe dy pika lot që nuk mund t’i ndalte.
Të mpirë nga dhembja, nuk kuptonim më lajme. I madh e i vogël kishim ngulur sytë në xhaketën blu të Lajmëtarit të Fundit, thoshe ti se aty fshihej qielli i lirisë, që nga Koha e Gjergjit të madh.
Atë ditë, mbi dhembje e trishtim kemi parë epokën blu – një qiell pa re. Atë ditë e sot!
