Në një postim në faqen e Facebook-ut të Famullisë Ushtarake Katolike të Komandës Ushtarake të Vjenës, është postuar një foto e ushtarëve austriakë , njëri prej të cilëve ka bashkuar duart në shenjën e “Shqiponjës shqiptare”. Mësimi fillestar dhe lutja me 192 ushtarë të rinj të Kompanisë së II-të të Gardës në javën e dytë të stërvitjes. Suksese ushtarake dhe Zoti ju bekofte! Ku jemi ne, aty janë trupat, ku janë trupat, jemi ne – është mesazhi, bashkë me të cilin janë publikuar edhe foto nga kazerma “Radecki” në Horn.
Në njërën prej tyre, mes ushtarëve të rreshtit të dytë qëndron një nga ushtarët që bashkoi pëllëmbët në shenjën e njohur “Shqiponja shqiptare”. Maximilian Kraus, kreu i Komitetit të Politikës së Jashtme të Partisë së Lirisë së Austrisë (FPO) në Vjenë, ka reaguar ndaj njoftimit .
Në rrjetin social “X” ai ka pyetur zëdhënësin e ushtrisë austriake, Michael Bauer, “pse një ushtar austriak me uniformë tregon përshëndetjen shqiptare”. Bauer ka reaguar dhe shkroi shkurt: “Do ta sqaroj”.
