Trajneri i Emirateve të Bashkuara Arabe, Paulo Bento, shpreson që skuadra e tij të mos shpërqendrohet nga mbështetja e madhe që pritet të marrë Palestina kur të dy skuadrat takohen në ndeshjen e Grupit C në kuadër të Kupës së Azisë.
Ndryshe Kupa e Azisë vjen derisa lufta mes Izraelit dhe Hamasit është duke ndodhur dhe në raste të caktuara nuk kanë munguar thirrjet propalestineze në ambiente të ndryshme.
Në ndeshjen e parë të grupit Palestina është mposhtur nga Irani, ndërsa EBA ka mposhtur Hon Kongun.
“Ambicia jonë është të fitojmë dhe të arrijmë gjashtë pikë. Është një ekip që luan në sulm, më shpesh me lojë direkte me disa veprime të ngjashme si kundërshtari ynë i mëparshëm. Ne duhet të jemi të vetëdijshëm dhe të fokusuar për të kontrolluar momentet e tyre më të mira. Mbështetja për Palestinën tek unë nuk do të ndikojë, por shpresoj që të mos shpërqëndrojë lojtarët”, ka thënë portugezi. “Ndoshta është një përvojë pak më ndryshe sepse në ligën e Emirateve nuk ka shumë njerëz që i shikojnë ndeshjet në stadiume”.
