Denisa Tanase (36) pa nga dritarja skenën mahnitëse në qiellin mbi Poloni dhe vendosi ta regjistrojë me kamerën e saj të celularit. Ajo rishikoi pamjet 20 minuta më vonë dhe vuri re atë që ajo besonte të ishte një objekt fluturues i paidentifikuar .
Stjuardesa thotë se ajo ua tregoi videon pilotëve dhe i pyeti nëse dinin ndonjë gjë për të.
– Të gjithë ishim të hutuar. Pilotët nuk kanë parë asgjë gjatë fluturimit dhe nuk ka pasur turbulenca – thotë stjuardesa.
Ajo pretendon se UFO-ja kishte formën e një rrethi që vezullonte rozë.
– Fillimisht menduam se mund të ishte një reflektim i uniformës sonë rozë, por në video mund të shihni lëvizjen. Mund të shihet duke fluturuar – thotë stjuardesa.
Denisa, pavarësisht se është konfuze, nuk është e shqetësuar për videon . Ajo shprehet se gjithmonë ka pyetur veten nëse ekzistonte jetë jashtëtokësore, por tani është e sigurt se ekziston.
– Unë kam parë tashmë gjëra të tilla në internet dhe gjithmonë kam menduar se është Photoshop, por tani e kam pasur vetë në video. Sigurisht që besoj më shumë tani se më parë. Familja dhe miqtë e mi mendojnë se janë padyshim alienë. Im shoq tha se më beson – thotë Tanase.
Aeroplani misterioz, le të kujtojmë, është parë së fundmi mbi avionin e presidentit amerikan Joe Biden teksa ai po fluturonte për në Los Angeles. Videoja u regjistrua nga Peter Solorzano, i cili drejton kanalin e njohur YouTube LA Flights me vëllain e tij Joshua./Kosovatimes/
