Një person i moshës 54-vjeçare është gjetur i vdekur brenda një ordinance dentare në Prizren. Sipas Policisë, ai dyshohet se ka kryer vetëvrasje me varje.
Rastin për RTKlive e ka konfirmuar zëdhënësi i Policisë për rajonin e Prizrenit, Shaqir Bytyqi.
“Sot me datë 17.01.2025, rreth orës 10.37 është pranuar informata se në ordinancën dentare “Kiseri dent” e cila gjendet në sheshin Shatërvan, në Prizren, është gjet një person për të cilin dyshohet se ka kryer vetëvrasje me varje. Nga mjekët e emergjencës është konstatuar vdekja e viktimës”, ka thënë Bytyqi.
Ai tutje ka bërë të ditur se patrulla policore ka bërë sigurimin e vendit të ngjarjes .
“Patrulla policore ka bërë sigurimin e vendit të ngjarjes, në vendngjarje kanë dalë hetuesit dhe hetuesit e vendit të ngjarjes (forenzika) nga Sektori Rajonal i Hetimeve. Viktima është A.K. viti i lindjes 1970, mashkull”.
Bytyqi ka njoftuar se pas përfundimit të këqyrjes së vendit të ngjarjes, me urdhër të prokurorit trupi i pajetë dërgohet në Institutin e Mjekësisë Ligjore në Prishtinë.
