Policia e Kosovës ka bërë të ditur se një person ka marrë lëndime si pasojë e goditjes nga materialet që janë shkëputur nga çatia objektit të ri të Komunës së Prishtinës.
Këtë e ka konfirmuar për RTKlive zëdhënësi i Policisë së Kosovës, Agron Borovci.
“Rreth orës 13:00, është raportuar se në rrugën “Nora e Hotit” në Prishtinë, një person ka marrë lëndime si pasojë e goditjes nga materiale që janë shkëputur nga çatia e një objekti”, ka thënë Borvci.
Ai ka theksuar se viktima e lënduar është dërguar në QKUK për trajtimin e nevojshëm mjekësor.
“Policia menjëherë ka dalë në vendin e ngjarjes dhe mbështetur në informacionet e para është raportuar për një person të lënduar, femër, e cila është dërguar në QKUK për trajtimin e nevojshëm mjekësor”, ka shtuar Borovci .
Aktualisht policia ka nisur punën për zbardhjen e plotë të të gjitha rrethanave që karakterizojnë ngjarjen.
Era shkulë kulmin e objektit të ri të Komunës, dyshohet për të plagosur
Objekti i ri i Komunës së Prishtinës, në Arbëri, ka mbetur pa pullazin e saj, pasi që ai është bartur nga erëra të forta, gjatë ditës së sotme. Besohet se mund të ketë edhe persona të plagosur.
Në vendin e ngjarjes kanë dalë edhe pjesëtarë të Policisë së Kosovës dhe të zjarrfikësve..
Një vajzë dyshohet se është lënduar dhe thuhet se ajo është dërguar në Emergjencë. Përveç saj nuk raportohet për të lënduar të tjerë.
Nënkryetari i Komunës së Prishtinës, Alban Zogaj, ka dalë ne vendin e ngjarjes, ku erërat e forta kanë shkulur çatinë e objektit të ri të Komunës.
