Komisioni Qendror i Zgjedhjeve mori vendim për pezullimin e subjektit politik, Partia Rome e Bashkuar e Kosovës, pasi nuk ka mbajtur kuvendin e saj zgjedhor sipas afatit ligjor.
Afati i fundit për mbajtjen e kuvendit zgjedhor për këtë subjekt politik ka qenë data 6 janar 2024.
Sipas vendimit të KQZ-së, PREBK obligohet që ta mbajë kuvendin e saj zgjedhor në një afat shtesë prej 45 ditësh dhe nëse kjo nuk arrihet, atëherë sipas rregullores për regjistrimin dhe funksionimin e partive politike, KQZ merr vendim për çregjistrim nga regjistri i partive politike në Kosovë. /Kosovatimes/
