Dhjetëra mijëra njerëz protestuan në të gjithë Sllovakinë të enjten kundër një rishikimi të propozuar të kodit penal, i cili ndër të tjera do të reduktonte dënimet për korrupsionin, i cili gjithashtu tërhoqi kritika nga Bashkimi Evropian.Rreth 26,000 njerëz dolën në rrugë në kryeqytetin Bratislavë, tha policia, ndërsa tubime më të vogla u mbajtën në rreth dy duzina qytete të tjera.
Protestuesit në Bratislavë mbanin pankarta me slogane të tilla si “Larg duart nga demokracia jonë!” dhe Ne nuk do të heshtim!.
Ndryshimet e kodit penal të promovuara nga kryeministri populist Robert Fico përfshijnë gjithashtu lehtësimin e sanksioneve për krimin ekonomik si dhe dhënien fund të mbrojtjes për sinjalizuesit e policisë.
Qeveria, e cila përfshin edhe ministra prorusë të ekstremit të djathtë, kërkon heqjen e prokurorisë për rastet e korrupsionit në nivelin më të lartë dhe krimit të organizuar në këtë vend të BE-së me 5.4 milionë banorë.Sipas kryeministrit, ai organ është i njëanshëm dhe i trajton në mënyrë të padrejtë liderët e partisë së tij Smer-SD.
– Sllovakia do të përjetojë amnistinë më të madhe për kriminelët në histori, dënoi Richard Sulik , kreu i partisë opozitare SaS.
– Ngadalë zoti Fico. Jeni të dehur nga pushteti, tha Michal Simecka , kreu i partisë opozitare PS.
Parlamenti planifikon të votojë mbi amendamentet e diskutueshme përmes një procedure të përshpejtuar, një hap që ka tërhequr gjithashtu kritika nga presidentja sllovake Zuzana Čaputova dhe përfaqësuesit e opozitës.
Të mërkurën, Parlamenti Europian e dënoi këtë projektligj në një rezolutë dhe shprehu “shqetësim të thellë për përshpejtimin e pajustifikuar të procesit legjislativ” me qëllim miratimin e tij, duke vlerësuar gjithashtu se ky rishikim i planifikuar i kodit penal “kërcënon integritetin e gjyqësorit dhe minon luftën e Bashkimit Evropian kundër mashtrimit”.
Në një letër të datës 5 dhjetor, Komisioni Evropian i kërkoi qeverisë sllovake ta ndalonte atë.
