Inter është për herë të tretë radhazi në finale të Superkupës së Italisë. “Nerazzurrët” në gjysmëfinale kanë mposhtur Lazion.
Ndeshja e zhvilluar të premten në “KSU Stadium” në Riyadh të Arabisë Saudite është mbyllur me rezultat 3:0.
Skuadra e drejtuar nga Simone Inzaghi ka shkuar në pushim me epërsi minimale, pasi Marcus Thuram realizoi në minutën e 17-të.
Me të filluar pjesa e dytë Lautaro Martinez (48’) ka fituar penallti pas një ndërhyrje nga Pedro.
Nga pika e bardhë i pagabueshëm është treguar Hakan Calhanoglu (50’) i cili ka shënuar për rezultatin 2-0.
Në fund, përkatësisht në minutën e tetëdhjetë e shtatë Inter ka shënuar edhe golin e tretë me Frattesin.
Të hënën Inter në finale do të përballet me Napolin.
