Ivan Perisic është futbollisti më i ri i Hajduk Split. Kjo është konfirmuar nga Tottenham Hotspur po edhe nga klubi kroat.
“Kemi arritur marrëveshje me Hajduk Split për huazimin e Ivan Perisic për pjesën e mbetur të sezonit”, ka njoftuar “Spurs”.
Te Hajduk kanë thënë se po e japin lajmin e shumëpritur nga tifozëria në Split.
“Pas gati shtatëmbëdhjetë vitesh e gjysmë dhe pas një karriere të madhe dhe jashtëzakonisht të suksesshme në botë Ivan Perisic do të veshë sërish fanellën e bardhë të Hajdukut me numrin katër. Ai po u bashkohet bardhezinjve në formë huazimi deri në fund të sezonit nga klubi anglez Tottenham”, ka njoftuar Hajduk.
Futbollisti aktualisht është në pushim pasi ka pësuar një lëndim në një ndeshje të Tottenhamit në kampionat gjatë muajit shtator.
