Ish kreu i komunës së Gjilanit, Lutfi Haziri, ka gozhduar kreun aktual të komunës për mungesën e kontratës për mirëmbajtjen e dimërore të rrugëve.
Ai në një postim në profilin e tij në facebook ka kritikuar edhe kryeministrin Albin Kurti i cili siç theksoi autostradën e Gjilanit ka lënë në lloç.
“Autostradën Gjilanit, e cila përfundon te Konçuli, ky që po e administron Republikën e ka lanë n’lloç, por a e dini që Komuna e Gjilanit në fund të janarit ende nuk ka kontratë për mirëmbajtje dimërore. Kush do t’i hapë rrugët nga bora për ta normalizuar jetën për qytetarët në dimër?!” pyet Haziri.
Sipas tij nuk i ka befasuar bora në janar e as blerja e kamionëve në Gjermani pa procedura prokurimi, as gurthemelet në mënyrë të kundërligjshme dhe vizatime 3D për ta bërë mashtrimin më të besueshëm.
“Një punë që e kam filluar unë me qytetarët, do të përfundojë herët a vonë. Kjo kohë dëshmon se kush e çfarë jeni. I keni futur duart deri në bërryla në kuletën e popullit. Keni ra në fund pusit!”, tha Haziri. /Kosovatimes/
