Kompania Rajonale e Ujësjellësit “Hidrodrini”, përmes një njoftimi ne faqen zyrtare në Facebook, ka apeluar te të gjithë konsumatorët që të kenë kujdes dhe të mirëmbajnë ujëmatësit tani që kanë rënë temperaturat.
Në këtë njoftim, “Hidrodrini” ka publikuar udhëzimet se si duhet vepruar që të mos ngrihen ujëmatësit, sidomos ata që janë të ekspozuar drejtpërdrejt ndaj kushteve atmosferike.
Tutje në njoftim thuhet se tubacionet/instalimet brenda pronës përfshirë këtu edhe ujëmatësit mund të ngrihen nga fillimi i motit me temperatura të ulëta, nëse ata janë të ekspozuar drejtpërdrejt ndaj kushteve të motit.
Kompania e shërbimit të furnizimit me ujë ka sqaruar se si të veprohet për mirëmbajtjen e ujëmatësve:
“Në bllokun e banesor (puseta me ujëmatësin kryesor) apo në shtëpitë private merrni masa dhe izoloni ujëmatësin, (me lesh-xhami apo lesh-gurri)në mënyrë që të mos vie deri tek ngrirja. Bëni izolimin në pusetat ku e kanë të vendosur matësin e ujit.Tubat që kanë më shumë gjasa të ngrihen janë ato që janë në mur të pa-izoluar mirë, garazhe, bodrume dhe ata të vendosur cektë nën sipërfaqen e tokës. Shtoni izolimin në mure të jashtme kudo që të jetë e mundur dhe mbyllni (vishni) gypat me izolim në garazhe dhe bodrume si dhe medoemos bëni izolim të brendshëm ujëmatësit, me materiale që pengojnë ajrin e ftohtë. Ju jeni përgjegjës për mbrojtjen ujëmatësve dhe tubave të ujit (të brendshëm ose të jashtëm/në pronën tuaj). Andaj, kujdes në izolimin e tyre!”, thuhet njoftim. /Kosovatimes/
