Ish-mbrojtësi i Manchester Cityt, Aymeric Laporte, ka treguar se një numër lojtarësh janë të pakënaqur me jetën në Arabinë Saudite.
Spanjolli iu bashkua Al-Nassr nga Manchester City verën e kaluar duke u bërë një nga emrat që u transferua në ligën saudite së bashku me Cristiano Ronaldon, ish-futbollistin afrikan të vitit Sadio Mane, superyllin brazilian Neymar dhe të tjerë futbollistë nga ligat kryesore evropiane. Por këtë javë mesfushori i Anglisë, Jordan Henderson u largua nga Al-Ettifaq pas më pak se gjashtë muajsh për t’u rikthyer në Evropë me Ajax, ndërsa Karim Benzema dhe Roberto Firmino thuhet se gjithashtu janë të interesuar për largime.
“Është një ndryshim i madh në krahasim me Evropën, por në fund gjithçka ka të bëjë me përshtatjen. Ka shumë lojtarë që janë të pakënaqur”, ka thënë Laporte.
