Trajneri i Interit, Simone Inzaghi, ka thënë se Superkupa e Italisë është objektiv i skuadrës që ai e drejton.
Inter dhe Napoli pritet të ballafaqohen në finale të Superkupës së Italisë që do të luhet të hënën në Riad.
“Është një finale, një sfidë e tillë shumë herë vendoset nga episodet. Duhet të jemi shumë të kujdesshëm, plus që është një finale që do të përgatitet në dy ditë e gjysmë, në më pak se shtatëdhjetë e dy orë. Është shumë e rëndësishme që të fitojmë nesër, ne jemi kampionët në fuqi. E kemi fituar trofeun në dy edicionet e fundit dhe duam shumë ta sjellim sërish në shtëpi, për ne është një objektiv”, ka thënë Inzaghi. “Zhvilluam një ndeshje të mrekullueshme kundër Lazios dhe tashmë mungon hapi i fundit”.
