Kosova ka kaluar në fazën e mëtutjeshme të CEV U18 EuroVolley pa lojë, pasi Serbia nuk ka pranuar të dalë në fushë.
Në garën e zhvilluar në Strumicë të Maqedonisë së Veriut përfaqësuesja e fqinjit verior nuk ka dashur të ndeshet me Kosovën dhe një gjë e tillë i ka siguruar fitoren kësaj të fundit me rezultat zyrtar 3-0.
Pas kësaj volejbollistët e Kosovës U18 janë renditur në vendin e pestë në kualifikimet ballkanike.
Federata e Volejbollit e Kosovës ka thënë se duke e patur parasysh qasjen refuzuese të Serbisë ndaj shtetësisë së Kosovës, arsyetimi i serbëve se “nëntë lojtarë të formacionit të Serbisë kanë qenë me temperaturë, duke u pamundësuar daljen në teren” është i paqëndrueshëm dhe do të kërkojë nga CEV, që Serbia të sanksionohet për këtë veprim.
