Trepça ka fituar bindshëm ndaj Vëllaznimit të Gjakovës në palestrën “Minatori” me rezultat 88:79. Trepça tashmë ka 11 ndeshje radhazi të fituara në Superligën e Kosovës në basketboll
Skuadra e Trepçës ka regjistruar fitoren e 11-të radhazi në Superligën e Kosovës në basketboll dhe atë kundër skuadrës së Vllaznimit.
Në ndeshjen e vlefshme për javën e 18-të në elitë, mitrovicasit triumfuan me rezultat 88:79 ndaj Vëllaznimit në palestrën sportive “Minatori” në Mitrovicë.
Darnell Edge me 22 pikë ishte më i dalluari te “Xehetarët”. Ai u ndihmua nga Kevin Bracy-Davis me 17 pikë dhe Dardan Kapiti me 16.
Kurse te skuadra e Gjaovës u dallua Samuel Sessoms me gjithsej 21 pikë.
Trepça tani numëron 16 fitore dhe dy(2) humbje në Superligë, duke udhëhequr në tabelë me 34 pikë.
Vëllaznimi, që është i pesti(5) në tabelë me 26 pikë, tani ka bilanc prej tetë(8) fitoreve dhe dhjetë(10) humbjeve.
