Dogana e Kosovës ka bërë të ditur se ka konfiskuar mallra të paligjshme në një depo në Zveçan.
Gjatë këtij aksioni, janë kapur dhe konfiskuar 280 copë pije të forta alkoolike, 300 copë verëra të ndryshme, si dhe 180 produkte kozmetike.
Sipas Doganës, vlera e përgjithshme e mallrave të konfiskuara tejkalon shumën prej 7000 euro.
Këtë aksion Dogana e ka kryer në bashkëpunim me Policinë e Kosovës në kuadër të përpjekjeve të përbashkëta për të luftuar trafikun e mallrave të paligjshme. /Kosovatimes/
