Po bëhen gjashtë vjet nga fillimi i punimeve të Autoudhës për Gjilan nga fshati Banullë i Lipjanit, deri tek kufiri Dheu i Bardhë dhe ende nuk dihet kur do të përfundojnë punimet edhe pse ishte premtuar se do të kryhet për 30 muaj.
Punimet kishin nisur me 15 prill të vitit 2018, derisa 22 kilometrat e parë nga Banulla deri në Bresalc ende nuk kanë përfunduar.
Derisa Autoudha pritet të vazhdoi drejt Gjilanit e pikë kalimit Dheu i Bardh me një gjatësi prej 40 kilometrash.
E për këtë vonesë kryeministri i Kosovës Albin Kurti i ka thënë gazetarit Besim Toska se ndihet i brengosur për vonesën dhe mungesën e autostradës për Gjilan.
“Edhe unë e ndaj brengën me juve për autostradën e munguar të Gjilanit tash e 7 vjet”, tha Kurti.
Kryeministri shtoi se kohëve të fundit ajo që është shqetësim dhe preokupim i tyre kryesor, është faktin se janë paraqitur disa probleme si pasoj e rrëshqitjeve të dheut.
“Tash po bëhet riformatimi i kontratës në mënyrë që t’i përfshijmë edhe disa shpronësime të reja që të bëhen këto sanime për këtë problem që na është shfaqur”, tha Kurti.
Ai më tej tha se derisa po ecin me shpejtësi për autostradën e Gjilanit, na është shfaqur problemi i rrëshqitjes së dheut dhe ministria po merret intensivisht me këtë problem.
Kryeministri tregoi se për vazhdimin e autostradës nga Bresalci deri te Dheu i Bardhë e kanë ndarë buxhetin dhe së shpejti nisin procedurat. /Kosovatimes/
