Aleanca fillon sot stërvitjen e saj më të madhe në gati 40 vjet, duke simuluar një konflikt me një “kundërshtar praktikisht homolog”.
Në stërvitjen “Steadfast Defender” do të përfshihen rreth 90 mijë persona nga vendet e NATO-s dhe Suedia kandidate. Manovrat do të zgjasin deri në fund të majit në territorin nga Norvegjia në Rumani.
Më shumë se 50 anije, mbi 80 avionë luftarakë, helikopterë dhe dronë, dhe të paktën një mijë automjete luftarake do të marrin pjesë gjithashtu në stërvitjen Stalwart Defender. Stërvitja do të tregojë se NATO mund të kryejë dhe mbështesë operacione komplekse në tokë, det, ajër, hapësirë kibernetike dhe hapësirë ”brenda disa muajsh”, tha Christopher Cavoli, Komandanti Suprem i Aleatëve të NATO-s në Evropë.
NATO-ja kreu stërvitjen e fundit të kësaj shkalle në vitin 1988, ku u përfshinë rreth 125 mijë ushtarë.
Pas fillimit të pushtimit rus në shkallë të plotë të Ukrainës, shumë politikanë perëndimorë, përfshirë presidentin amerikan Joe Biden, parashtruan tezën se Rusia mund të sulmojë një nga vendet e NATO-s nëse ia del mbanë në luftën e Ukrainës. Moska mohon plane të tilla.
