Presidentja Vjosa Osmani ka njoftuar për shtyrjen e afatit për aplikim të statusit të të mbijetuarit të dhunës seksuale gjatë luftës deri më 15 maj 2025.
“Zëri juaj ka rëndësi dhe e vërteta duhet të dëgjohet. Guximi juaj në kërkim të drejtësisë e në zbardhjen e së vërtetës është një dëshmi e shpirtit tuaj të paepur”, ka deklaruar Osmani në një video mesazh.
Presidentja ju ka dhënë kurajo që të aplikojnë të mbijetuarit e dhunës seksuale, duke thënë se ata nuk janë vet në kërkim të drejtësisë.
“Ne qëndrojmë me ju dhe pranë jush në ndjekjen e drejtësisë. Në këtë rrugëtim ju asnjëherë nuk do të jeni vetëm. Prandaj aplikoni për njohjen e statusit të viktimës së dhunës seksuale të luftës”, ka thënë ajo.
