Komisioni Hetimor Parlamentar për procedurat për furnizimin dhe menaxhimin me rezervat shtetërore, keqpërdorimet dhe abuzimet e mundshme me rezervat shtetërore nëpërmjet kualifikimit të procedurës si sekret shtetëror për furnizime të tilla, ka diskutuar për angazhimin e eksperteve.
Anëtarët e këtij komisioni kërkuan që ekspertet të cilët do të angazhohen të ju definohet qartë roli, puna e tyre dhe pagesa që do të bëhet për ta.
Deputetit i LVV-së, Armend Muja, ka dhënë propozimet e tij sa i përket angazhimit të eksperteve.
“Dy ekspert nga tri ekspertiza do të ishte e mjaftueshëm. Kurse sa i përket buxhetit, na duhet kalkulimi i saktë”, ka deklaruar ai.
Deputeti Pal Lekaj, ka thënë se anëtaret e këtij komisioni duhet të jenë të vëmendshëm sa i përket çështjes së angazhimit të eksperteve. Sipas tij, ata duhet që të paguhen për punën që bëjnë.
“Ekspertet nuk vine në formë simbolike, duhet te jemi të vëmendshëm. Ekspert që bëjnë anenë profesionale atëherë edhe duhet të paguhet”, ka thënë ai.
Ndërsa deputetja e LDK-së, Valentina Bunjaku, ka kërkuar që kjo mbledhje të shtyhet për një ditë tjetër që të analizohen propozimet për ekspert. Në fund anëtaret e këtij komisioni janë pajtuar që mbledhja të shtyhet për të hënën.
Anëtarët e komisionit kanë diskutuar edhe për nënshkrimin e një deklarate nën betim për mosshpërndarjen e dokumenteve që mund të sillen në Komision.
Kryetari i Komisionit, deputeti Rashit Qalaj, ka theksuar se ende nuk posedojnë asnjë dokument dhe se ato presin që t’i sigurojnë nga institucionet e Kosovës.
