Ministri i Jashtëm i Maqedonisë së Veriut, Bujar Osmani, ka takuar të martën në Bruksel emisarin e BE-së për dialogun Kosovë – Serbi, Miroslav Lajçak.
Përmes një postim në platformën “X”, Osmani ka thënë se në këtë takim ndër të tjera kanë biseduar për çështjen e dialogut Kosovë-Serbi. “Me Miroslav Lajçakun në Bruksel për zhvillimet e fundit në rajon me theks në dialogun Kosovë – Serbi. Përshpejtimi i integrimit të Ballkanit Perëndimor në BE është kyç për gjithë rajonin dhe për sigurinë e stabilitetin e Evropës”, ka shkruar Osmani. /Kosovatimes/
