Mesfushori anglez Kalvin Phillips raportohet së shpejti do të largohet nga Manchester City.
Reprezentuesi i Anglisë, nuk është pjesë e planeve të Pep Guadiolës, dhe lojtari duket së brenda pak ditësh do të bëhet me skuadër të re.
Sipas mediave britanike, Phillips do të huazohet tek West Hami, një tjetër klub i njohur anglez.
“West Ham është shumë pranë sigurimit të huazimit të mesfushorit deri në fund të sezonit”, shkruajnë mediat në ishull.
Ndryshe, lojtari prej kohësh është duke u monitoruar edhe nga disa klube tjera evropiane, por, siç raportohet, West Hami është destinacioni më i mundshëm për anglezin.
