Kryeministri i Kosovës, Albin Kurti, i ka bërë thirrje Bashkimit Evropian për të hequr sanksionet që janë vendosur ndaj Kosovës.
Kryeministri Kurti e ka akuzuar Brukselin për qasje të butë ndaj Serbisë, në një kohë kur rajoni është i mbushur me tensione të larta.
Për “Politico” Kurti ka theksuar padrejtësinë e trajtimit të Kosovës nga BE-ja, duke veçuar veprimet e vitit të shkuar.
“Kritikuam ashpër për situatat e dhunshme në veri – një vendim i padrejtë – dhe si rezultat, BE-ja vendosi masa shtesë kundër nesh. Në anën tjetër, Serbia po afrohet me Rusinë për shkak të agresionit në Ukrainë, por nuk po përballen me sanksione”, ka deklaruar Kurti.
Verën e kaluar, BE vendosi një sërë masash si përgjigje ndaj dhunës që shoqëroi zgjedhjet lokale në veri, duke përfshirë bllokimin e disa takimeve kyçe të nivelit të lartë, pezullimin e projekteve të BE dhe pengimin e flukseve financiare drejt Kosovës.
Përveç kritikave të ashpra ndaj veprimeve të qeverisë së tij gjatë zgjedhjeve të diskutueshme në veri, të cilat u bojkotuan nga serbët dhe çuan në zgjedhjen e kryetarëve shqiptarë, Kurti gjithashtu foli për përparimin e fundit në njohjen e targave të automjeteve ndërmjet të dyja vendeve, një hap i përshëndetur nga BE-ja, shkruan Politico.
