Kryeprokurori i Prokurorisë Themelore në Prizren, Admir Shala, ka zhvilluar takim zyrtar me Ministren e Drejtësisë, Albulena Haxhiu, me të cilën kanë diskutuar çështjet e interesit të përbashkët.
Qëllimi i këtij takimi ishte diskutimi mbi fuqizimin e bashkëpunimit në aspektin e drejtësisë, në drejtim të luftimit të kriminalitetit.
“Kryeprokurori Shala, e njoftoi Ministren Haxhiu, për punët, sfidat dhe synimet e prokurorisë që ai e drejton. Gjatë këtij takimi Shala, ka prezantuar të arriturat e Prokurorisë së Prizrenit. Po ashtu, gjatë takimit u diskutua për ndarjen e parcelës për ndërtimin e objektit të ri të prokurorisë”, thuhet në njoftim.
Në këtë takim, në veçanti u diskutua për rastet e dhunës në familje si një ndër rastet më të ndjeshme për trajtim, si dhe për Ligjin e ri për Parandalimin dhe Adresimin e dhunës në familje.
Në fund të takimit, palët u dakorduan për vazhdimin e bashkëpunimit të ndërsjellë në kuptim të adresimit dhe jetësimit të reformave në drejtësi. /Kosovatimes/
