Fakulteti Juridik në Universitetin e Prishtinës ka themeluar nivelin master të drejtimit “E drejtë penale, ndërkombëtare, drejtësi tranzicionale”. Ky është programi i dytë në gjuhën angleze, teksa të përfshirë janë profesorët e huaj si dhe 10 studentë të huaj.
“Qendra ka si mision të adresojë si duhet vet konceptimin e disa përmbledhjeve të rasteve nga jurisprudenca ndërkombëtare për krime kundër njerëzimit. Të përfshirë do të jenë profesorët dhe studentët, te pjesa e hulumtimeve. Por në strukturën e Qendrës do të ketë profesorë dhe ekspertë ndërkombëtarë që kanë karrierë me adresimin e këtyre çështjeve”, ka thënë dekani i Fakultetit Juridik në Universitetin e Prishtinës, Avni Puka, për RTK-në.
Ai në “Mirëmëngjesi Kosovë” ka deklaruar se Qendra nuk do të merret me shqyrtimin e rasteve gjenocidale, por që do të vlerësojnë dokumentacionin dhe të vërtetën nga perspektiva e drejtësisë ndërkombëtare.
