Trajneri i Newcastle United, Eddie Howe, i ka mbyllur derën skuadrës Bayern Munich për transferimin e Kieran Trippier.
Anglezi është pjesë e Newcastle nga viti 2022, ndërsa më 2023, ai ka nënshkruar një zgjatje të kontratës deri në verën e vitit 2025.
Howe e sheh futbollistin pjesë të planit afatgjatë të Newcastle.
“Përkushtimi i Trippier për Newcastle nuk duhet të vihet në dyshim. Ai kurrë nuk ka kërkuar të largohet. Ne shpresojmë se ai do të qëndrojë dhe ne kemi shumë besim se ai do të jetë pjesë e planit afatgjatë të skuadrës”, ka thënë ai.
