Trajneri i Chelseas, Mauricio Pochettino, ka thënë se Armando Broja duhet ta ketë shembull Harry Kane.
Reprezentuesi shqiptar është rikthyer në fushë pas dhjetë muajsh shkaku i një lëndimi që e kishte pësuar. Deri tash ai ia ka dalë që të realizojë dy gola.
Pochettino ka thënë se Broja ka potencial për të qenë sulmues i madh.
“Potenciali është i madh”, ka thënë trajneri argjentinas. “Të gjithë sulmuesit më të mëdhenj kanë nevojë për kohë. Kur janë të rinj, ata duhet të gjejnë ekuilibrin e tyre. Por unë besoj se ai ka potencialin për të qenë një sulmues i mrekullueshëm. Unë gjithmonë e krahasoj atë me Harry Kane. Ai shkoi në huazim te Leyton Orient, Norwich City dhe kaloi kohë duke gjetur ekuilibrin e tij të vërtetë. Në gjashtë muajt tanë të parë ai filloi të performojë vetëm në dhjetor dhe janar dhe atëherë filluam të shihnim potencialin e tij real”.
