Në Podujevë është vendosur gurthemeli për ndërtimin e Qendrës Rezidenciale për persona të moshuar.
Me këtë rast, kryeministri Albin Kurti tha se e njëjta do të ketë sipërfaqe 2,700 metra katrorë dhe do të ofrojë shërbime të ndryshme.
“Kjo qendër do ta ketë sipërfaqe 2,700 metra katrorë. 530 mijë euro janë investime nga shteti, komuna, ndërsa investim i organizatës do të ketë dy milionë euro. Kjo qendër do ta ketë bujtinën, parkun, fizioterapinë dhe kujdesin primar shëndetësor. Do të jetë moderne me kushte të mira për ata të moshuar që do ta gëzojnë pleqërinë e tyre këtu”, shtoi ai.
I pari i Podujevës, Shpejtim Bulliqi, tha se do të mbështesin të gjitha projektet që janë të rëndësishme për qytetarët.
“Kjo është një shenjë që po tregojmë se është radha të mendojmë edhe për këtë kategori. Këtu do të kenë mundësi të marrin shërbime rreth 100 persona gjatë ditës. Ne do të jemi afër të gjitha atyre projekteve që vlerësojmë se do të jenë të rëndësishme për qytetarët”, tha ai.
Ndërkaq, për rëndësinë e kësaj qendre foli edhe humanisti, Halil Kastrati.
“Është projekti i dytë si ky i sotmi pas atij në Vushtrri. Projekti është kuzhinë humanitare për 200 familje nevojtare. E kemi zgjedh ditën e sotme pasi jemi në prag të ditës së heronjve të Podujevës, e unë i falënderoj familjarët e tyre për pjesëmarrje”, shtoi ai.
