Presidentja e vendit, Vjosa Osmani, në Ditën e Përkujtimit të Holokaustit ka thënë se kujtohen miliona jetë të pafajshme të humbura, siç tha ajo, në një nga kapitujt më të errët të historisë njerëzore.
Osmani, në një postim në platformën sociale X, shkruan se kjo ditë shërben si një kujtesë për pasojat shkatërruese që rrjedhin nga urrejtja, paragjykimet dhe fanatizmi.
“Në këtë Ditë Ndërkombëtare të Përkujtimit të Holokaustit, ne kujtojmë miliona jetë të pafajshme të humbura në një nga kapitujt më të errët të historisë njerëzore. Kjo ditë shërben si një kujtesë për pasojat shkatërruese që rrjedhin nga urrejtja, paragjykimet dhe fanatizmi”, thuhet në shkrimin e saj në “X”. /Kosovatimes/
