Ali Ahmeti, kryetari i Bashkimit Demokratik për Integrim, partisë më të madhe të shqiptarëve në Maqedoninë e Veriut, e quajti ditë të madhe historike këtë të diel, duke e uruar Talat Xhaferin që u bë kryeministri i parë shqiptar në Shkup.
Ahmeti, në një postim në Facebook, shkroi se shqiptarët bënë rrugëtim të gjatë e të mundimshëm për ta fituar atë që na takon ndër shekuj.
“Dikur në shtëpinë tonë na mohohej gjuha, arsimimi, punësimi nëpër institucione, na torturonte e shtypte pa ndalë sistemi i atëhershëm shtetëror, ndërsa sot po jetojmë barazinë, si vlerë demokratike që e bënë këtë vend më të mirë dhe në prag të dyerve të Evropës”, shkroi ai në Facebook. /Kosovatimes/
